ديسمبر 18, 2009 في 6:14 ص (مصريتنا وطنـيتنا)
منظر الناس قدام مصلحة الضرايب كأنهم قدام جمعيه تعاونيه
طوابير وازدحام عشان ايه ؟ عشان الكل عايز يدفع فلوس للحكومه
سبحان الله
بنتقلب بمزاجنا .. أه هى كده
المهم الحكومه ترضى عنا
مصر دى ولا مليون سنه قدامها كمان عشان يحصل فيها تغيير
طالما الناس راضيه وبتنفذ وعلى قلبها زى العسل
هقول ايه بس .. حكومه حكومه يعنى عقلها شغال
أدعى عليكو يعنى
طب اللهى ما توعوا تصرفوا منها الدفعه الاولى
اللهى الفلوس اللى تاخدوها تبقى حار ونار فى جتتكم يا بعدا
يارب الحزب الوطنى والحكومه كلها ومبارك وعياله يموتوا
وما يلحقوا يتهنوا بقرش واحد منها
ونشوفهم كده وربنا بينتقم منهم
أترك تعليقا
ديسمبر 4, 2009 في 4:06 ص (مصريتنا وطنـيتنا)
نامت نواطير مصر عن ثعالبها
فلا أكلت ولا شربت ولا
لاعبت الفوتبول
ضجه وهيصه على الفاضى
نسينا الدنيا كلها وبقت القضية الوحيده فى مصر
لا جهل ولا بطاله ولا أمراض
أصبحت مشكلتنا الوحيده دلوقتى ازاى ناخد حقنا من الجزائريين
لدرجة انهم بيناقشوا الموضوع فى مجلس الشعب واستدعوا السفير الجزائري
ودعوه لمقاطعة كل ما هو جزائرى فى كافة وسائل الاعلام
انا حاسس ان الضجه دى كلها وراها حاجه تانيه
غالبا هتكون موجة غلاء جديده
بعد السكر طبعا وانابيب البوتجاز اللى تم فى وسط الهوجه اللى فاتت
البعض بيتكلم دلوقتى عن رغيف العيش ولا حياة لمن تنادى
ربنا يستر يعنى هما هيقلبوا منين أكيد فى أفاق جديده للتقليب
واكيد احنا برضه ولا فى دماغنا كل دا المهم ناخد حقنا من الجزائريين
مفيش اليهود مفيش أمريكا
لسه من يوم واحد يهودى داهس بعربيته فلسطينى مرتين
وواحده فلسطينيه طاعنه يهودى
ما هو الرجاله مش فاضيين مشغولين ازاى ياخدوا حقهم
حق ايه بس
جاتكو ستين خيبه
أترك تعليقا
نوفمبر 18, 2009 في 7:53 م (اســبوعــــــيـــاتى)
ليست المره الاولى ولن تكون الاخيره
فقداغتالها من قبل الكثير .
لا أعلم ما الذى يدفعنى الى الحزن
لطالما كان يلازمنى منذ زمن طويل
بيدى كان أو بيد الاخرين لن ابالى بعد الان .
أترك تعليقا
نوفمبر 14, 2009 في 5:28 ص (اســبوعــــــيـــاتى)
الايام بقت غريبه قوى بتعدى بسرعة الصاروخ
كنت فاكر النهارده اننا فى شهر اكتوبر
طلع للأسف شهر نوفمبر … وأنا ولا دارى بالدنيا
امال لو كنت بشرب حاجه كنت عملت ايه ؟
جايز انا اللى بطلت احسب الايام لأني خايف أقول لنفسى
بقى عندى كام سنه ..
دا مش جايز دا أكيد …
انا لو رجعت خمس سنين لورا
وقلت لنفسى على اللى انا فيه دلوقتى كنت اتجننت
منها للأحلام اللى جابتنى الارض وياريتنى اتعلمت حاجه
فضلت ماسك العصايه من النص لحد ما وسطى اتكسر
المصيبه الاكبر لو عدى خمس سنين كمان وانا زى ما انا
لاء دا مستحيل طبعا .
بس انا اتعلمت من الدنيا حاجه واحده
انها ما اتستهلش …
زى النهارده سنة 77 السادات راح القدس
راح يهبب ايه مش عارف
فى ظل القرف اللى عمله كله
عرفت هو احتار مبارك ليه …
أترك تعليقا
نوفمبر 11, 2009 في 3:35 ص (الأمه المريضه)
تصدر محكمة دريسدن الألمانية اليوم الأربعاء حكمها على قاتل
الصيدلانية المصرية مروة الشربيني ..
وقالت رئيسة المحكمة القاضية بريجيت فيجاند إن الحكم سيصدر اليوم
كما كان مقررا، وذلك في حال عدم طرح طلبات جديدة أثناء السماع
للمرافعات الختامية للدفاع والادعاء .
وذكرت وكالة الأنباء الألمانية اليوم أن الجاني أليكس دبليو يواجه
حكما بالسجن مدى الحياة خاصة بعد أن أثبت تقرير الخبير النفسي
مسؤولية القاتل عن أفعاله بشكل كامل.
وسيشمل الحكم الشق الجنائي والمدني ولكن هناك دعوى جنائية أخرى
تم رفعها من جانب أسرة مروة الشربيني ضد رئيس المحكمة الكلية
وضد قاضي الجلسة الذي نظر واقعة القتل بتهمة الإهمال الجسيم وعدم الإسراع بإنقاذ الضحية.
وكان الادعاء قد وجه للقاتل أليكس (28 عاما) تهما بالقتل والشروع في القتل
والتسبب في جروح خطيرة، حيث وجه لضحيته 16 طعنة بالسكين على الأقل
داخل قاعة محكمة دريسدن نفسها كما طعن زوجها قبل أن يتمكن الحراس من السيطرة عليه.
وتعود وقائع هذه الجريمة إلى شهر يوليو الماضي أثناء نظر قضية استئناف
تغريم أليكس مبالغ مالية لسبّه المواطنة المصرية وثبوت تهمة كراهية
الأجانب بحقه بعد أن تلفظ بكلمات عنصرية.
أترك تعليقا
أكتوبر 14, 2009 في 7:16 ص (أدباء وشعراء)
أترك تعليقا
أكتوبر 14, 2009 في 6:49 ص (اســبوعــــــيـــاتى)
إن إستطعت أن أقف ما تبقى من عمرى حدادا
على ما مر من عمرى وعلى ما فعلت لقمت
لكن ذلك لا يفيد ..
لنا خيارات عدة في هذه الحياة .. و الكثير من الطرق لنسلكها ..
و يختلف اختيار كل منا عن اختيار الاخر والكل يمتلك الفرصة
حتى إن أوحى الى نفسه بأنه مرغم وبأنه ضحية للظروف ..
لكل منا مبدأ خاص ..
و لكل منا قواعد و قوانين .. فحتى اختراق القانون يحتاج لقوانين تنظمه
كالفوضى التى نحياها حاليا منظمة للغايه ..
نعود لنقطة الخيارات .. ربما نختلف في خياراتنا
و لكنها احيانا مهما اختلفت تعيدنا الى نفس الاتجاه ..
لانمل الخطأ ولا نهتم حتى إن كان فى حق الأخرين
ولا نشعر بمقدار هذا االخظأ إلا فى حالة واحده فقط
عندما لا يكون هنالك أمل فى العدول عنه ..
هنا يأتى وقت الندم ..
أو نحاول التظاهر بأننا لانزال صامدون ولا تزال الفرصة قائمه ..
يتحدث الينا الكثيرون و يخبروننا عن مغبة ما نصنع ..
و يخبروننا بكل العواقب التي ستواجهنا ..
و يخبروننا بما سنفقده و لكننا نصر ..
و نتحدى الجميع و نسخر منهم في اعماقنا لنقول انهم لا يحسنون قولا
و لا يعلمون شيئا .. و اننا اعرف و اكبر و ادرى ..
فنمضي قدما في ما نريد ان نفعل ..
و حين تتجلى امامنا النتائج التي اخبرونا بها بالحرف الواحد نندم
أو نظل نتظاهر بأننا صامدون ولا تزال الفرصه قائمه .
ما علينا
1400 دقيقه حداد بمناسبة عيد ميلادى
أترك تعليقا
اغسطس 13, 2009 في 2:34 ص (مصريتنا وطنـيتنا)
أترك تعليقا
اغسطس 12, 2009 في 4:11 ص (اســبوعــــــيـــاتى)
سألنى أحد الأشخاص سؤال بسيط قوى
قالى لما هما العيال بياخدوا دروس فى كل المواد
وعند نفس المدرسين اللى بيشرحولهم فى المدرسه
إيه هو السبب اللى بيخليهم يروحوا المدرسه بقى….!!!!
أجبته وبكل بساطه
أمال هما هيعتلموا قلة الأدب فين ….
قال تربيه وتعليم قال , جاتكو خيبه من اللى لونها أصفر.
أترك تعليقا
اغسطس 12, 2009 في 3:57 ص (مصريتنا وطنـيتنا)
هى الصوره معبره فعلا عن كيفية عمل الحكومه
بما أن الشركه مملوكه للدوله …بالتالى
اللى هتاكله بط بط هنطلعه عليك وز … وز
الشركه بكل بساطه بتقول إنها عملت خصم 50%
وأبو جنيه هيبقى بنص جنيه
بعدها مفيش شهر وشويه تقولك إنها هتطبق سياسة الاستخدام العادل
يعنى أيه .. أقولك أنا هى مش الاستخدام العادل هى ( الاست
مش هقدر اكتبها عشان بستحى المهم
بما أن الحكومه حريصه على توفير الراحه والطمأنينه لكافة المواطنين
دا بعد سلامة وأمن المواطن فقد قررت الدولة تحديد سعة التحميل بحد أدنى 25 جيجا شهريا
لأصحاب السرعة 512 كيلو بايت و 40 جيجا لأصحاب ال 1 ميجا الى أخره
قبل أى شىء نفسى ومنا عينى أعرف هى ليه الحكومه دايما بتتخذ الشعارات
اللى دايما بتبقى عكس اللى بتقوله ….!!!!
مش كفاية الديمقراطيه اللى خلوا الناس تكره سيرتها …
عموما اللى حصل دا هو نفس اللى كان حصل من سنه تقريا
فاكرين يوم المنحه وبعدها مفيش شهر وشويه 30% ذيادة فى أسعار الوقود
بعدها الناس قالت ياريت مكنش فيه منحه ولا نيله .
أه يا حكومة المعونه يا عالم …..
يبدو إن هى سياسة الدوله اللى ناويه تمشى بيها لحد ما نموت
ماهما ياعينى بسم الله ماشاء الله معمرين يعنى مابنسمعش حتى
إن حد فيهم بيروح يتعالج حتى فى الخارج ولا فى الداخل
إظاهر كده بيغيرو جته ….
أترك تعليقا
أبريل 5, 2009 في 2:46 ص (اســبوعــــــيـــاتى)
للذكرى ليس أكثر
يمكن لأن الواحد من يومها مش عايش
بس برضه أحلى حاجه فى الدنيا
فى إيه فى الدنيا تانى
فى الصندوق قرد صغير
كان فى نرجس كمان كانت عسوله
على أيام والدى كان فى شرشر
قلم من أجمد عثمان 1/2
افتح الباب فريد انه عمى سعيد
لى أخ مجند أسمه محمد
قام فى الصباح يحمل السلاح
قال إنى ذاهب يا اخى أحارب
مصرنا تنادى أمنا تنادى
حطموا القيود أعبروا السدود
صابر طفل كسلان يصحوا من النوم بعد الظهر
عمى حسن شد الكرنبه
أحمل الفأس هيا
أعمل فى الأرض هيا
سوف أبنى بيديا
ثمرة منها شهية
أحمد يذهب الى الحقل
تعليقات
أبريل 5, 2009 في 1:57 ص (اســبوعــــــيـــاتى)
بما أنى حاليا ( لا بالى مشغول ولا مشغول على بالى ) على رأى حليم
حتى حدث 6 أبريل اللى بيشغل الأغلبيه على النت
سواء كانول مؤيدين أو معترضين على تكراره ( حدث عابر بالنسبه لى )
لأن ماترتب عليه العام الماضى أثبت أن الحكومه ميهماش أى حاجه
ومستعده لما هو وارد أو غير وارد أو حتى كان مستحيل
والمشكله أن الناس بتقبل أى شىء
ضرب إهانه بلطجه وزيادة أسعار وأقل القليل برضه راضيين
واللى يتذكر كويس موضوع المنحه واللى تلاه بعده موضوع زيادة أسعار الوقود
خلى الناس تقول ياريت اللى جرى ما كان
ياترى أنا ايه موقعى من الحدث ( ولا حاجه)
صحيح أنا يأس وبائس لكن برضه عندى أمل
بس خايف يتبع الأمل دا ألم وأرجع أقول ياريت اللى جرى ماكان
مش دفع الضرر برضه أفضل من جلب المنفعه
أنا أقوم أنام احسن ( ليكو يوم يا ظالمه )
أترك تعليقا
فبراير 21, 2009 في 6:34 ص (اســبوعــــــيـــاتى)
كم هى غريبة تلك الحياة لا تبخل علينا بالأمنيات
تتركنا نتمنى ونحلم ونرجو منها حتى المستحيل
نحلق كفراشات تأمل أن تكون طيورآ تحلق فى جو السماء
ولكنها لا تتعـــدى مداهــا … فتسـقط من وهــن أجنحتــها
فلا منها بلغت مناها ولا ظلت على حالها تحيا كما الأخريات
أخشى أن يأتى يومآ أتمنى فيه أن لو أعود الى حالتى تلك
رغم قلة حيلتى وضياع بعض المقربين منى أردد دوما
ما عاد ينقصنى أحد وإن ظل الكل خلفى
ســوف أصمــت صمـــت أبــــدى
أتأمل ذكرياتى معهم ولا أأملهم
تعليق واحد
يناير 10, 2009 في 2:27 ص (فلسطين حبيبتى)
قال تعالى: “قل إن كان آباؤكم وأبناؤكم وإخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكم من الله ورسوله وجهاد في سبيله فـــتربصوا حتى يأتي الله بأمره والله لا يهدي القوم الفاسقين” (التوبة:24 )
عن ثوبان قال: قال رسول الله صلى الله عليه وسلم “يوشك الأمم أن تداعى عليكم كما تداعى الأكلة إلى قصعتها فقال قائل ومن قلة نحن يومئذ قال بل أنتم يومئذ كثير ولكنكم غثاء كغثاء السيل ولينزعن الله من صدور عدوكم المهابة منكم وليقذفن الله في قلوبكم الوهن فقال قائل يا رسول الله وما الوهن قال حب الدنيا وكراهية الموت” رواه أبو داود
عن ابن عمر رضي الله عنهما، قال: سمعت رسول الله صلى الله عليه وسلم يقول : (( إذا تبايعتم بالعيينة وأخذتم أذناب البقر ورضيتم بالزرع وتركتم الجهاد، سلط الله عليكم ذلاً لا ينزعه حتى ترجعوا إلى دينكم )). * أخرجه أبو داوود.
إنّ هذه الأمة يغسل الله عارها اليوم بدماء شهدائها، فلا تلوثوا أنفسكم بانصرافكم عن متابعة أخباره وأخبار أهله إلى متابعة الرخيص من مناكر الأقوال والأفعال فتُحرَموا شرف التطهر به.
أترك تعليقا
