مارس 30, 2008 في 8:47 ص (مصريتنا وطنـيتنا)
حسنى باعت الدكتور مفيد شهاب
وزير الدوله للشئون القانونيه والبرلمانيه
لحضور القمه العربيه المنعقده بسوريا نيابة عنه
(حاجه مش غريبه على بلدنا اليومين دول طب دا حتى كويس
انه مبعتش سعيد صوان بتاع الدقهليه )
ومجلس الشعب بيناقش اليوم حوادث الطرق
وارتفاع الاسعار اللى فاقت اسعار هونج كونج
بالمناسبه سلك المواعين بقى بعشره جنيه الكيلو
هقول ايه بس ( ياعينى عليك يا طيبه لما بتروحى منا )
مارس 26, 2008 في 3:57 ص (مصريتنا وطنـيتنا)
اعتذر السفير الأمريكي لدى القاهرة امس عن حادث فتحت خلاله سفينة
حربية أمريكية النارعلى قارب مصري صغير بالقرب من قناة السويس
الليلة قبل الماضية ما أسفر عن مقتل شخص وإصابة اثنين
وقال السفير فرانسيس جيه. ريتشاردوني في تصريح لقناة العربية الإخبارية
ومقرها دبي إن الحادث مؤسف
وأضاف: نأسف بشدة إزاء هذه النتيجة (للحادث). وسنفتح تحقيقا بشأنه.
وكان تقرير رسمي مصري قد أفاد في وقت سابق امس بأن مصريا قتل
وأصيب آخران بجروح إثر إطلاق سفينة حربية أمريكية النار على قارب صغير
بميناء السويس ليلة أمس الاول
طبعا الموضوع مايهمش الحكومه فى شىء سواء حتى اعتذر او ماتنيلش على عين اللى جابه
لان احنا دمنا ارخص من زجاجة الزيت
أو حتى كان اللى اتقتلوا فى الموضوع دا اكتر من واحد وتسعين واحد
أو حتى كانت محافظة السويس كلها راحت فى الموضوع دا ونص بورسعيد كمان
عشان دا عيب لما نسبب الذعر والفزع والريبه ونضع الشك فى قلوب حبايبنا الامريكان
يعنى هو الراجل لو كان رايح عايم ومفيش على جتته غير البوكسر كان ماشى
انما يركب مركب ومعاه شبكه ومش بعيد يكون معاه صناره وفيها حداف كمان
كده غلط يا جماعه والمفروض احنا نقدم اعتذار رسمى لركاب السفينه
واللى حصل دا مايتكررش تانى
ماشى ياولاد
مارس 19, 2008 في 3:07 ص (اســبوعــــــيـــاتى)
بما أننى ما عدت أملك أى مناسبة لأحتفل بها
(قال انتا يعنى كان حيلتك حاجه )
فعلى الأقل آن الأوان كى أحتفل بالضجر
الشخص الوحيد الذى لم يتركنى ولم ييأس منى مثل الأخرين .
(مانتا لو كنت بتفهم كنت عرفت انه جض منك بس مشكلته انه اخرص )
مع العلم بأننى ما كنت أملك أى شىء غير الأحلام
(نو كومنت على موضوع الاحلام بس انا ذنبى إيه )
تصدق انا زهقت منك وانتا بقيت عامل زى النت بتاع خالد
مابشفش منك غير الإحباط وهدم المعنويات
( بص بقى انا على اخرى منك طب تقدر تقولى انتا هببت ايه من يوم ما شفتك
واحباط ايه وهدم ايه هدمو عليك ابو الهول )
انا هببت كتير قوى دا يمكن دا اكتر شىء فلحت فيه
واسكت بقى عشان انا لقيت حاجه انا فالح فيها واهى فرصه اعملها مناسبه
مارس 4, 2008 في 4:28 ص (تســـــــــــــــــالى)
|
