حذر الرئيس المصري حسني مبارك من أن النمو السكاني السريع في مصر،
يهدد استقرار البلاد من الناحية الاجتماعية ومن زاوية الأمن القومي.
وقال مبارك في كلمة ألقاها بالقاهرة في افتتاح المؤتمر القومي للسكان ،
إنه ما لم يتم التوصل إلى حل لتلك المشكلة،
فإن عدد السكان بمصر سيتضاعف بحلول عام 2050 ليصبح 160 مليون نسمة.
وطالب الرئيس المصري الشعب بإبداء المزيد من الوعي بتلك المشكلة.
احنا السبب يا جماعه
احنا اللى عقبه فى طريق التقدم والازدهار
احنا اللى عقبه فى تحقيق الامن والامان والاطمئنان
طب نعمل ايه ياريس بس
نتخلص من الزياده ازاى ؟ نبيعهم .. محدش هيشتريهم
لانهم خلاص بقوا أشباه بنى أدمين .. مخوخين من جوه
مليانين أوباء … سرطنات وفيروسات
مش من أكلك وشربك لا سمح الله
دا بس عشان احنا مبنعرفش ناكل ولا نشرب
مبنعرفش نعيش
طب الحل فين
نعمل زى كفار قريش واللى يجيب بنت يدفنها حيه
ولا اللى يوصل سن المعاش نكهربه ولا نشربه من النيل
ولا اقولك نوديه أمن الدوله
وساعتها هتلاقى ناس بتموت قبل ما تكمل الاربعين
الكلام دا طبعا لناس معينه
معقوله انا هعيب فى الذات الملكيه ولا الوزاريه
وطبيعى الكلام دا مش هيطبق على حبايبك وقرايبك ورجال الاعمال
انا مش عارف الناس اللى فى الصين والهند
مش مقدرين الدرر اللى انتا بتقولها وقاعدين يقولوا
الزياده السكانيه هى ثوره سكانيه
متخلفين ورجعيين
محتاجينك ياريس
ملحوظه ..
أنا ساعة ما قريت الجمله دى
كنت خلاص مش قادر امسك نفسى من العياط ( ياحبيبى ياريس)
عدد السكان بمصر سيتضاعف بحلول عام 2050 ليصبح 160 مليون نسمة.
هو انتا عامل حسابك لحد 2050
معقوله شايل همنا لحد 40 سنه قدام ياغالى
الا انتا هتعيش كام سنه ياريس
عشان نفسى لو كان لى عمر
كل أهلى وحبايبى ينعموا بالرخاء فى بلدك
الى يوم الدين
lanky قال,
يونيو 18, 2008 في 11:31 م
دوس على الزرار وارفع الشعار (وقفه مصريه من اجل تحديد النسل) نحكم عقلنا نشتغل كلنا.وقفه مع نفسنا لمصلحتنا كلنا.نحكم عقلنا نشرب كلنا. نحكم عقلنا نتعلم كلنا…….ولى يفرح قلبك كمان محسسنى ياعنى ان الشباب مبسوط ولا قى شغل وياعينى لاقى يتجوز عشان يفكر كمان هايجب كام عيل .. فعلا زى ما انت قولت احنا السبب..احنا اللى اغبيه مش فاهمين سياسه بابا مبارك…………….
زينة قال,
يوليو 8, 2008 في 3:57 م
أولاً وأخيراً .. نحن مسلمون !
دعوى تحديد النسل هي من أخطر أدوات الغزو الغربي الفاجر .
لن نرضخ لهم .. أبداً .