واحد بيحب مبارك

بيحب مبارك
شخص عادى جدآ يحب مصر ويحب مبارك

العادى طبعا انه يحب مصر
زى أى مواطن بيحب بلده  مالهنود بيحبو الهند
والامريكان واليهود والكنديين ( وزمان عنده واحد بيقول سجل أنا كندى)
لكن الغريب وفى ظل الظروف اللى بنعيشها دلوقتى
والناس اللى بتنتحر من الزهق والقرف والفقر اللى مالى البلد
أظن سمعتو عن المواطن اللى رمى نفسه من فوق كوبرى طلخا
بعد ما دلق على نفسه زجاجة الزيت اللى اشتراها بعشره جنيه
وتلاقى واحد لسه قلبه متعلق بمبارك
وبيقول انه معجب جدآ بيه وبإدارته للبلد
الاغرب بقى اللى بيقوله ( مع انه مش لاقى شغل )
يكفى موضوع العلاوه الاخيره اللى عملها للموظفين 30% من المرتب
شفت رئيس فى الدنيا بيعمل كده
يا مؤمن العيش دلوقتى بيوصل للبيوت
بدل الطوابير والزحام امام افران العيش

بصراحه انا لا اتكلمت ولا نطقت
هو كان فى شخص تانى واقف هو اللى رد عليه
صحيح رده كان قاسى شويه
وطلع القديم والجديد عليه

لكن طول ما فى ناس بتبرر أعمال الاخرين
سواء عن جهل أو مصلحه
مفيش حاجه هتتغير
ومبارك هيستمر اللى الابد
مبارك التانى والتالت والرابع
زى المسلسلات المكسيكيه اللى ما بتخلصش
حلقه ورا حلقه واحنا لسه بنتفرج
مالناس عاجبها الحال
بقينا غاويين بهدله وقلة قيمه
غاويين تعذيب
والمعذباتيه مابيخلصوش

Advertisements

3 تعليقات

  1. lanky said,

    مايو 27, 2008 في 10:14 م

    انت بتقول ان الناس بدافع عن حاجه لسببين. المصلحه او الجهل. طيب المصلحه ممكن نلفها ونخليها معانا. طيب والجهل نعمل فيه ايه. دا احنا محتاجين قرون عشان الناس تطلع من الجهل تفتكر انت ايه الحل؟؟؟؟؟؟؟؟؟؟؟؟

  2. abotamer said,

    يونيو 5, 2008 في 1:27 ص

    الجهل مرتبط بالفقر
    ودى سياسة الدوله انها مخليه الناس اكبر هما لقمة العيش

  3. chereda said,

    يونيو 6, 2008 في 3:06 ص

    كلام جميل يا ابو تامر وانا متفق معاك


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: