البرادعى ومستقبل مصر

رغم كل ما بيحدث وكل مايقل
سجل أنا متشائم

بل أنا من أكثر الناس تشائمآ
وشايف أن الوضع فى مصر ولا خمسين برادعى ممكن يغيروه
مع أن بدايته كانت عكس كل الأخرين
لأنه هو الوحيد اللى شرط دخوله الحياه السياسيه بتعديل الدستور
إلا أنى دايما يائس من ناحية التغيير

حتى لو كان جمال هو القادم بدون أى شك ( مش هيحصل حاليا على الاقل )
البعض بيقول ان مبارك هيتنازل عن الحكم ويتم التوريث مستحيل طبعا
مبارك  سيظل حاكما طالما هو على قيد الحياه

كل المؤشرات والدلائل بتوحى بأنه سيظل ويظل ويظل
الحياه فى مصر علمتنا دائما بأن ما يأتى فى الغد الأمس أفضل منه
ولا يسعنا إلا عزائنا على الماضى

Advertisements

الضريبه العقاريه ولا فراخ الجمعيه

منظر الناس قدام مصلحة الضرايب كأنهم قدام جمعيه تعاونيه
طوابير وازدحام عشان ايه ؟ عشان الكل عايز يدفع فلوس للحكومه
سبحان الله
بنتقلب بمزاجنا .. أه هى كده
المهم الحكومه ترضى عنا

مصر دى ولا مليون سنه قدامها كمان عشان يحصل فيها تغيير
طالما الناس راضيه وبتنفذ وعلى قلبها زى العسل
هقول ايه بس .. حكومه حكومه يعنى عقلها شغال
أدعى عليكو يعنى
طب اللهى ما توعوا تصرفوا منها الدفعه الاولى
اللهى الفلوس اللى تاخدوها تبقى حار ونار فى جتتكم يا بعدا
يارب الحزب الوطنى والحكومه كلها ومبارك وعياله يموتوا
وما يلحقوا يتهنوا بقرش واحد منها
ونشوفهم كده وربنا بينتقم منهم

no way

نامت نواطير مصر عن ثعالبها

فلا أكلت ولا شربت ولا
لاعبت الفوتبول

ضجه وهيصه على الفاضى
نسينا الدنيا كلها وبقت القضية الوحيده فى مصر
لا جهل ولا بطاله ولا أمراض
أصبحت مشكلتنا الوحيده دلوقتى ازاى ناخد حقنا من الجزائريين
لدرجة انهم بيناقشوا الموضوع فى مجلس الشعب واستدعوا السفير الجزائري
ودعوه لمقاطعة كل ما هو جزائرى فى كافة وسائل الاعلام

انا حاسس ان الضجه دى كلها وراها حاجه تانيه
غالبا هتكون موجة غلاء جديده
بعد السكر طبعا وانابيب البوتجاز اللى تم فى وسط الهوجه اللى فاتت
البعض بيتكلم دلوقتى عن رغيف العيش ولا حياة لمن تنادى
ربنا يستر يعنى هما هيقلبوا منين أكيد فى أفاق جديده للتقليب
واكيد احنا برضه ولا فى دماغنا كل دا المهم ناخد حقنا من الجزائريين
مفيش اليهود مفيش أمريكا
لسه من يوم واحد يهودى داهس بعربيته فلسطينى مرتين
وواحده فلسطينيه طاعنه يهودى
ما هو الرجاله مش فاضيين مشغولين ازاى ياخدوا حقهم
حق ايه بس

جاتكو ستين خيبه

هفصل خلاص

اللى هتاكله بط بط

ted

هى الصوره معبره فعلا عن كيفية عمل الحكومه
بما أن الشركه مملوكه للدوله …بالتالى
اللى هتاكله بط بط هنطلعه عليك وز … وز
الشركه بكل بساطه بتقول إنها عملت خصم 50%
وأبو جنيه هيبقى بنص جنيه
بعدها مفيش شهر وشويه تقولك إنها هتطبق سياسة الاستخدام العادل
يعنى أيه .. أقولك أنا هى مش الاستخدام العادل هى ( الاست
مش هقدر اكتبها عشان بستحى المهم
بما أن الحكومه حريصه على توفير الراحه والطمأنينه لكافة المواطنين
دا بعد سلامة وأمن المواطن فقد قررت الدولة تحديد سعة التحميل بحد أدنى 25 جيجا شهريا
لأصحاب السرعة 512 كيلو بايت و 40 جيجا لأصحاب ال 1 ميجا الى أخره
قبل أى شىء نفسى ومنا عينى أعرف هى ليه الحكومه دايما بتتخذ الشعارات
اللى دايما بتبقى عكس اللى بتقوله ….!!!!
مش كفاية الديمقراطيه اللى خلوا الناس تكره سيرتها …

عموما اللى حصل دا هو نفس اللى كان حصل من سنه تقريا
فاكرين يوم المنحه وبعدها مفيش شهر وشويه 30% ذيادة فى أسعار الوقود
بعدها الناس قالت ياريت مكنش فيه منحه ولا نيله .
أه يا حكومة المعونه يا عالم …..
يبدو إن هى سياسة الدوله اللى ناويه تمشى بيها لحد ما نموت
ماهما ياعينى بسم الله ماشاء الله معمرين يعنى مابنسمعش حتى
إن حد فيهم بيروح يتعالج حتى فى الخارج ولا فى الداخل
إظاهر كده بيغيرو جته ….

غباء فى غباء

بدون تعليـــــق

بما أنى بطلت قلة أدب من زمان

فتوى الغاز.. فقه لا أدري أم لا أتورط؟!

يقول ابن القيم رحمه الله في إعلام الموقعين:
“لا يجوز للمفتي الترويج وتخيير السائل وإلقاؤه في الإشكال والحيرة،
بل عليه أن يبين بيانًا مزيلاً للإشكال متضمناً لفصل الخطاب،
كافيًا في حصول المقصود لا يحتاج معه إلى غيره…
وسُئل آخر عن مسألة فقال: فيها قولان ولم يزد،…
قال أبو محمد ابن حزم: وكان عندنا مفتٍ إذا سئل عن مسألة
لا يفتي فيها حتى يتقدمه من يكتب، فيكتب هو: جوابي فيها
مثل جواب الشيخ، فقدر أن مفتيين اختلفا في جواب،
فكتب تحت جوابهما: جوابي مثل جواب الشيخين،
فقيل له: إنهما تناقضا، فقال: وأنا أتناقض كما تناقضا..
وكان في زماننا رجل مشار إليه بالفتوى وهو مقدم
في مذهبه، وكان نائب السلطان يرسل إليه في الفتاوى فيكتب:
يجوز كذا أو يصح كذا أو ينعقد بشرطه، ونحن لا نعلم شرطه،
فإما أن تبين شرطه وإما أن لا تكتب ذلك..
وسمعت شيخنا يقول: كل أحد يُحسِن أن يفتي بهذا الشرط…
وهذا ليس بعلم ولا يفيد فائدة أصلاً
سوى حيرة السائل وتبلده، وكذلك قول بعضهم في فتاويه
يُرجع في ذلك إلى رأي الحاكم، فيا سبحان الله!
والله لو كان الحاكم شُريحًا أو أشباهه لما كان مردُّ
أحكام الله ورسوله إلى رأيه فضلاً
عن حكّام زماننا، فالله المستعان.. ”
انظر:إعلام الموقعين ج4، ص 154-156.

بداية لا بد أن نقرر أن فضيلة مفتي الديار المصرية علم من أعلام الفقه في عصرنا الحاضر،
له قدم راسخة علما وفقها وفكرا، وكذلك أعضاء أمانة الفتوى بدار الإفتاء المصرية،
وليس من بين أهداف تلك القراءة أبدا الانتقاص من قدر الشيخ أو قدرته العلمية
أو أحد من أعضاء الأمانة بالدار، معاذ الله أن نقع في شرك انتقاص العلماء..
وإنما هي محاولة لفهم سياقات الفتوى على مستوى الظروف المحيطة بها،
وعلى مستوى الفضاء الذي تتحرك فيه، وعلى مستوى بنيتها، ومنهجية التناول فيها،
ومدى مواءمة تلك البنية وهذه المنهجية لأصول وقواعد المنهجية العلمية،
وكذا المقاصد العليا الحاكمة في الشريعة الإسلامية..

أرى أن نضع بين يدي القارئ النص الأصلي للفتوى،
كما ورد على موقع دار الإفتاء المصرية على شبكة المعلومات الدولية..
وذلك حتى تظهر الصورة واضحة دون الاعتماد على نقول في وسائل إعلام مختلفة
أو غير متخصصة يمكن أن تصيب النص بما يؤثر على معناه الأصلي الذي قصده كاتبه..

عن اسلام أون لاين …

طالع نص فتوى دار الإفتاء المصرية

الفتوى بتاريخ 2008/7/20
لكن ما الجديد فى الموضوع
الجديد هو طلب المفتى ملف تصدير الغاز للصهاينه
ليصدر فتواه إن شاء الله أو يتملص كما فعلت دار الافتاء
قريبا ستظهر النتيجه

بحكمتك تغتال علينا

حريق هائل بالدور الثالث بالمبني الرئيسي لمجلس الشوري حيث توجد مكاتب الموظفين
ومكتب رئيس المجلس ، واتي الحريق علي الدور الثالث بالكامل وسطح مبني المجلس
وامتد ليطال اجزاء من الدور الثاني بالمبني المكون من ثلاثة طوابق .
وقد انهار جزء كبير من الحوائط الداخلية للمبنى …

الخبر مش جديد
لكن الجديد هو أن الرئيس مبارك أمر باعادة تأهيل مبنى مجلس الشورى المحترق
على نفقة الدوله ..

طبعا بما أن الفائض فى الميزانيه بكفى لعدة قرون
فلا توجد أى مشكله ..

أنا بس كنت شايف انها فرصه ياريس نلم شوية تبرعات
وخصوصا إننا على أعتاب شهر رمضان وعيد ومدارس
حملك تقيل ياريس . لكن كله بثوابه


مش فاهم النقطه دى فاتت عليك ازاى .. يرضى مين دا يا ناس
شوية ريالات على شوية دراهم ودينارات ودولارات تضيع مننا كده
اهو كانو ينفعو برضه للزمن .

حاجه تزعل برضه
جايز محدش أخد خبر عن اللى حصل
عموما ملحوقه ياريس الجايات كتير
وخصوصا إن خيرنا مغرق الدنيا

عندى اقتراح بس ياريت يعجبك ….

بزمتك مش شكله كده أحسن

إحنا السبب

حذر الرئيس المصري حسني مبارك من أن النمو السكاني السريع في مصر،
يهدد استقرار البلاد من الناحية الاجتماعية ومن زاوية الأمن القومي.

وقال مبارك في كلمة ألقاها بالقاهرة في افتتاح المؤتمر القومي للسكان ،
إنه ما لم يتم التوصل إلى حل لتلك المشكلة،
فإن عدد السكان بمصر سيتضاعف بحلول عام 2050 ليصبح 160 مليون نسمة.
وطالب الرئيس المصري الشعب بإبداء المزيد من الوعي بتلك المشكلة.

احنا السبب يا جماعه
احنا اللى عقبه فى طريق التقدم والازدهار
احنا اللى عقبه فى تحقيق الامن والامان والاطمئنان

طب نعمل ايه ياريس بس
نتخلص من الزياده ازاى ؟ نبيعهم  .. محدش هيشتريهم
لانهم خلاص بقوا أشباه بنى أدمين .. مخوخين من جوه
مليانين أوباء … سرطنات وفيروسات
مش من أكلك وشربك لا سمح الله
دا بس عشان احنا مبنعرفش ناكل ولا نشرب
مبنعرفش نعيش

طب الحل فين
نعمل زى كفار قريش واللى يجيب بنت يدفنها حيه
ولا اللى يوصل سن المعاش نكهربه ولا نشربه من النيل
ولا اقولك نوديه أمن الدوله
وساعتها هتلاقى ناس بتموت قبل ما تكمل الاربعين
الكلام دا طبعا لناس معينه
معقوله انا هعيب فى الذات الملكيه ولا الوزاريه
وطبيعى الكلام دا مش هيطبق على حبايبك وقرايبك ورجال الاعمال

انا مش عارف الناس اللى فى الصين والهند
مش مقدرين الدرر اللى انتا بتقولها وقاعدين يقولوا
الزياده السكانيه هى ثوره سكانيه
متخلفين ورجعيين
محتاجينك ياريس

ملحوظه ..
أنا ساعة ما قريت الجمله دى
كنت خلاص مش قادر امسك نفسى من العياط ( ياحبيبى ياريس)

عدد السكان بمصر سيتضاعف بحلول عام 2050 ليصبح 160 مليون نسمة.
هو انتا عامل حسابك لحد 2050
معقوله شايل همنا لحد 40 سنه قدام ياغالى

الا انتا هتعيش كام سنه ياريس
عشان نفسى لو كان لى عمر
كل أهلى وحبايبى ينعموا بالرخاء فى بلدك
الى يوم الدين

واحد بيحب مبارك

بيحب مبارك
شخص عادى جدآ يحب مصر ويحب مبارك

العادى طبعا انه يحب مصر
زى أى مواطن بيحب بلده  مالهنود بيحبو الهند
والامريكان واليهود والكنديين ( وزمان عنده واحد بيقول سجل أنا كندى)
لكن الغريب وفى ظل الظروف اللى بنعيشها دلوقتى
والناس اللى بتنتحر من الزهق والقرف والفقر اللى مالى البلد
أظن سمعتو عن المواطن اللى رمى نفسه من فوق كوبرى طلخا
بعد ما دلق على نفسه زجاجة الزيت اللى اشتراها بعشره جنيه
وتلاقى واحد لسه قلبه متعلق بمبارك
وبيقول انه معجب جدآ بيه وبإدارته للبلد
الاغرب بقى اللى بيقوله ( مع انه مش لاقى شغل )
يكفى موضوع العلاوه الاخيره اللى عملها للموظفين 30% من المرتب
شفت رئيس فى الدنيا بيعمل كده
يا مؤمن العيش دلوقتى بيوصل للبيوت
بدل الطوابير والزحام امام افران العيش

بصراحه انا لا اتكلمت ولا نطقت
هو كان فى شخص تانى واقف هو اللى رد عليه
صحيح رده كان قاسى شويه
وطلع القديم والجديد عليه

لكن طول ما فى ناس بتبرر أعمال الاخرين
سواء عن جهل أو مصلحه
مفيش حاجه هتتغير
ومبارك هيستمر اللى الابد
مبارك التانى والتالت والرابع
زى المسلسلات المكسيكيه اللى ما بتخلصش
حلقه ورا حلقه واحنا لسه بنتفرج
مالناس عاجبها الحال
بقينا غاويين بهدله وقلة قيمه
غاويين تعذيب
والمعذباتيه مابيخلصوش

حتى أنت يا بروتس !!!

مش فاهم ايه السبب
لاهو قريب ولا حبيب ولا إنتا يلزمك منه حاجه

دا انتا حتى شرقاوى وهو منوفى

حاجه تشيب الكتكوت يا جدعااااان

اللهى ربنا يخلص منك ومنه

اضراب 4 مايو

تنكسرى ولا يتصلب عودك
أنا جنــــدى فى جـــــنودك

محاكمة عسكرية لمدنين

الحكم بالسجن على 27عضوآ من جماعة الاخوان المسلمون
بــمـــدد تــــــتراوح ما بـــين ثلاث إلــــى عشـــــــر ســـــنوات
بينهم النائب الثاني للمرشد العام للجماعة محمد خيرت الـشاطر
ومصادرة ممتلكات عدد منهم، فيما قررت الإفراج عن الـ 13 الآخرين

رغم خنقتنى الشديده من موقفهم الاخير من إضراب 6 إبريل
ورغم علامات الاستـــــفهام الكتير قـــــوى حــــول الجمـــاعه
إلا أنا أرفض وبشده محاكمة أى شخص مدنى محاكمة عسكرية

وبعدين يعنى هما دول اللى خطر على الامن القومى
دا ماشاء الله يعنى مفيش اكتر من الحرامــيه فى البلد

واشمعنى يعنى محاكمة عسكرية
ومحاكمة ليه من اساسه هو فى قانون فى البلد

حصيلة أحداث المحله

رغم كمية التعتيم الكبيره على احداث المحله الكبرى
سواء على الفضائيات أو القنوات المحليه الحكوميه
إلا أن أعداد القتلى والمصابين والمعتقلين أصبحت معلومه للكثير
من خلال المدونات والمواقع الالكترونيه


وبلغ عدد المعتقلين حوالى 331 والمصابين ثمانون
منهم أربعه فقأت أعينهم بالرصاص المطاطى
والقتلى إثنان منهم فتى فى الخامسة عشر من عمره
أصيب وهو فى شرفة منزله بثلاث رصاصات منهم واحده فى العنق

وبالنسبه لافراد الامن رغم قلة أعدادها الملحوظ
لم يدعهم المتظاهرين وشأنهم ( منهم لله )
فأصيبوا فى تلك الاحداث بإصابات خطيره جدآ منها الفزع والهلع والتوتر

كان الله فى عونهم جميعا ( معقوله نعمل كده فى ملائكة الرحمه )

إن لم تستحى فأفعل ما شت

اللى بيقولوا إن الناس هى اللى بتكسر وبتحرق وبتدمر

شوفو بيعملوا ايه ماهو اللى اختشو ماتو

مش دى برضه واحده من عربيات الامن المركزى

اللى بتقولوا إن الناس هى اللى بتكسرها , اتفضل ياعم

اللى ما يشترى يتفرج

وعلى عينك يا تاجر

يعنى هقول ايه بس ….

ليكو يوم يا ظالمه يا ظالمه

يوم الاحد الاسود

يوم أسود أخر فى تاريخ مصر

أنا هكتفى دلوقتى بالصور لان النت زى حالة البلد اليومين دول

المهم المظاهر بدأت سلميه جدآ من أول خروج للورديه الساعه 3 مساءآ

لأن القيادات العمليه كان مفبوض عليهم من الصبح

وكالعاده طبعآ الامن تحرش بالناس وبدأ يضرب بكل قوه

كأننا من الحبشه وهما من الجنس الارى

واستخدم جميع الوسائل لفض المظاهره ابتدأ من الشوم والقنابل المسيله للدموع

لحد الرصاص الحى مع ان الناس كانو مسالمين

كأننا فى غزه بالظبط

وبدأ القمع الاسرائيلى أقصد المصرى للجميع

المصابين و الجثث يتم نقلهم لمستشفيات المنصورة

و تقوم الشرطة بمصادرة طلقات الرصاص الحي

الذي يتم استخراجه من أجساد المصابين و من جثث الشهداء

« Older entries